Croeso cynnes i dudalen Y Gymraeg.
Yma, byddwch yn canfod cyfleoedd dysgu proffesiynol, gwybodaeth ac arweiniad, adnoddau a gwybodaeth werthfawr o ran y Gymraeg yng Nghonsortiwm Canolbarth y De (CCD).
Mae CCD yn ymrwymedig i hyrwyddo'r iaith Gymraeg ac i gefnogi pob ysgol ar draws y rhanbarth i ddatblygu pob agwedd o’r Gymraeg.
Mae’r Gymraeg yn perthyn i ni gyd!
Mae 'Cymraeg 2050: Miliwn o Siaradwyr' yn nodi ein huchelgais o greu miliwn o siaradwyr Cymraeg erbyn 2050. Mae’n cynnwys targedau i gynyddu nifer yr athrawon sy’n gymwys i addysgu’r Gymraeg fel pwnc a phynciau eraill drwy gyfrwng y Gymraeg.
Mae hefyd yn amlinellu’r weledigaeth ar gyfer datblygu sgiliau Cymraeg pob dysgwr 3 i 16 oed fel rhan o'r Cwricwlwm i Gymru i’w galluogi i ddefnyddio’r iaith mewn cyd-destunau bob dydd.
Y flwyddyn 2050: Mae’r iaith Gymraeg yn ffynnu, mae nifer y siaradwyr wedi cynyddu i filiwn a chaiff ei defnyddio ym mhob agwedd ar fywyd. Ymhlith y rheini nad ydynt yn ei siarad mae yna ewyllys da tuag ati ac ymdeimlad o berchnogaeth ohoni. Mae yna werthfawrogiad hefyd o’i chyfraniad i ddiwylliant, cymdeithas ac economi Cymru.- Cymraeg 2050 – Miliwn o Siardwyr (Llywodraeth Cymru 2017, tud.4)
Mae CCD yn darparu:
Dysgu Proffesiynol. Mae digwyddiadau dysgu proffesiynol, rhaglenni, aseiniadau ac adnoddau ar gael trwy wefan CCD yma, heb unrhyw gost i ysgolion
Cefnogaeth Bwrpasol. Gellir gofyn am gefnogaeth bwrpasol, heb unrhyw gost i ysgolion, ym mhob maes a dangosir isod drwy Bartneriaid Gwella neu drwy support@cscjes.org.uk Gall hyn fod ar gyfer ysgol unigol, clystyrau, Grwpiau Gwella Ysgolion a grwpiau eraill o ysgolion sy’n cydweithio ar flaenoriaeth gyffredin sy’n gysylltiedig â’r Gymraeg.
Rhestr Chwarae – Cefnogaeth i ysgolion ar gyfer y Gymraeg:
Bwriad y rhestr chwarae hon ydy cefnogi ysgolion ar eu taith i ddatblygu a gwella pob agwedd o Gymraeg. Gyda threftadaeth gyfoethog ieithyddol a diwylliannol Cymru yn sail iddi, mae'n amlygu cynnig dysgu proffesiynol CCD, adnoddau gwerthfawr, rhwydweithiau, cymunedau a chefnogaeth bwrpasol, sydd i gyd ar gael heb unrhyw gost i ysgolion.
Bydd y rhestr chwarae yn cael ei diweddaru yn rheolaidd. Rhannwch hi yn eang gyda chydweithwyr os gwelwch yn dda.
Beth yw'r Siarter Iaith / Siarter Iaith Cymraeg Campus?
Mae 97% o ysgolion o bob sector yn rhanbarth Consortiwm Canolbarth y De wedi ymrwymo i Fframwaith y Siarter Iaith.
Rydym ni am ysbrydoli plant a phobl ifanc i ddefnyddio’r Gymraeg ym mhob agwedd ar fywyd. Mae’r Siarter Iaith i bawb a gall pob aelod o gymuned yr ysgol gymryd rhan, cyngor yr ysgol, dysgwyr, y gweithlu, rhieni, gofalwyr, llywodraethwyr a’r gymuned ehangach. Mae hyn yn sicrhau bod gan bob ysgol berchnogaeth lawn ar eu Siarter Iaith. Gyda’n gilydd fe wnawn ni gynyddu defnydd cymdeithasol plant a phobl ifanc o’r Gymraeg.
Mae’r Siarter Iaith ar waith mewn ysgolion cynradd cyfrwng Cymraeg a dwyieithog ledled Cymru. Yn ogystal mae rhaglenni eraill ar gyfer dysgwyr:
- oedran uwchradd ysgolion cyfrwng Cymraeg
- sydd yn dysgu’r Gymraeg mewn ysgolion cynradd cyfrwng Saesneg (Cymraeg Campus)
- oedran uwchradd mewn ysgolion cyfrwng Saesneg (Cymraeg bob dydd)
Cymerwch olwg ar y fideo yma sy’n egluro'r Siarter Iaith. Mae rhagor o wybodaeth hefyd ar gael ar HWB.
Mae CCD yn cefnogi ysgolion ym mhob sector gyda phob agwedd o’r Gymraeg, heb unrhyw gost i ysgolion. Cysylltwch â ni heddiw drwy eich Partner Gwella neu support@cscjes.org.uk i drafod eich gofynion.
Swyddogion
Swyddog Cymorth Prosiect: Beverley Blackburn
Ymgynghorydd Cysylltiol - Dysgu Proffesiynol Iaith Gymraeg: Emma Dermody
Ymgynghorydd Cysylltiol - Datblygu'r Gymraeg: Bethan Davies
Mae gwybodaeth am ddysgu proffesiynol a cefnogaeth CCD o ran Ieithoedd, Llythrennedd a Chyfathrebu Cymraeg yma.
Cofrestrwch ar gyfer Bwletin Ysgolion CCD a dilynwch ni ar X @CSC_Cymraeg / @CSCSiarterIaith ac Instagram @CSCCymraegCCD
Mae CCD Cymraeg yma i’ch cefnogi. Diolch yn fawr am ymweld â’n tudalen we.
